Egunkaria libre!
ErakundeaEKIMENAK
'Idazleak ikastetxeetan' programa
Idazleak ikastetxeetan programa: programa honi esker, idazleak ikastetxez ikastetxe joaten dira beren esperientziaz eta obra jakin bati buruz hitz egitera. Ikasleek, obra hori aldez aurretik irakurrita izaten dute.
'Idazleak ikastetxeetan' Nafarroan programa
Idazleak ikastetxeetan Nafarroan programa: programa honi esker, idazleak ikastetxez ikastetxe joaten dira beren esperientziaz eta obra jakin bati buruz hitz egitera. Ikasleek, obra hori aldez aurretik irakurrita izaten dute.
'Idazleekin solasean' programa
Idazleekin solasean programa: programa hau kultur-etxe, kultur-erakunde eta euskaltegiei zabaltzen zaie, bere helburua honakoa delarik: irakurleak sortzea edo irakurle direnak literaturaren esparrura erakartzea. Programa honen baitan, lau ekimen mota eskaintzen ditu EIEk:
- Hitzaldiak: literaturgai bati buruzko jarduna egiten du idazleak.
- Poesia-irakurraldiak: poeta baten edo poeta talde baten poesia-irakurketa.
- Solasaldiak: idazleak bere obraren gaineko azalpenak ematen ditu.
- Literatur lantegiak: idazten eta irakurtzen trebatzeko ikastaroak dira.
'Komatxo artean' eta 'testuketan' irratsaioak
Literaturaren inguruko albiste eta elkarrizketez osatutako irratsaio bi eskaintzen ditu EIEk:
- Testuketan Herri Irratian, ostiraletan , arratsaldeko 18:00etatik 19:00etara. Eta larunbatetan errepikapena ordu berean. Frekuentzia: Donostian, FM 99.8 eta Gasteizen OM 1224.
- Bizkaia Irratian, larunbat eta igandeetan, 13:00etatik 13:30era (astelehen eta ostegunetan errepikapena, gaueko 22:00etatik 22:30etara). Frekuentzia: Bilbon, FM 102.6.
'Hegats' literatur aldizkaria
Gaur egungo literaturgintzari buruzko ikuspegi zabal eta sakona ematen duen euskarazko literatur aldizkari hiru hilabetekaria da.
'Kalegats' literatur aldizkari dibulgatiboa
Euskal hiritargo zabalari literaturaren inguruko albisteak zabaldu eta gai jakin batzuen inguruko literatur gidak eskaintzea helburu duen agerkari sei hilabetekaria.
Biltzarrak
Literaturarekin zerikusia duen gai monografiko bat oinarritzat harturik, urtean zehar Biltzar ezberdinak antolatzen ditu EIEk.
Galeusca
Galiziar, kataluniar eta euskal idazleen arteko urteroko topaketa da Galeusca. Hiru herrialdeek amankomunean bizi dituzten gaiak lantzen dira berton.
'Liburuen xarma' bilduma
Liburuen xarma irakasleei zuzenduriko bilduma da, ikasleei liburuak nola irakurri behar diren gomendioz eta adibidez beteta. Bildumako zenbaki bakoitzak literatur genero zehatz bat lantzen du eta adinaren arabera mailakatuta dago. Bilduma osatzen duten zenbakiak hauek dira: Liburuen xarma 1: Zer egin dezake nire ikasle batek liburu batekin? Liburuen xarma 2: Poesia lantzeko gida.