Txillardegik eman zion existentziala deitzen den nobela motari hasiera. Bere lanen artean honako hauek ditugu:

• Leturiaren egunkari ezkutua (1957). Hauxe izan zen lehen nobela existentziala. Bertan, Leturiaren barne-gatazka eta egiazko zorion iraunkorraren bilaketa kontatzzen da.
• Peru Leartzako (1960) nobelan berriz, eguneroko bizimodu aspergarriarekiko nazka eta denboraren ihesa dira gai nagusiak.
• Elsa Scheelen (1969) eleberrian gatazka sozialaren inguruko gogoetak ageri dira. Nahiz eta barne hausnarketa erabili eta egitura arrunta eta lineala izan, eleberriaren garapen narratiboa zabalagoa da.
• Haizeaz bestaldetik (1979). Nobela sinbolikoa, metafisika kutsukoa eta oso pertsonala. Historiaz, denboraz eta heriotzaz bestaldetik, infinituaren desioaren eta etsi beharraren arteko zalantzan egindako ibilaldiaren azalpena.

Txillardegiren hizkera aberatsa, oparoa eta gihartsua da, zenbaitetan errepikagarria eta pasarte askotan lirikaren mugetan dabilena. Erabatekotasunez, galdera erretorikoez, izen, adjektibo eta adberbio zirraratsu eta bortitzez taiutuak daude bere lanak.