Arantxa Iturbe Maiz
Biografia - Kurrikuluma
Alegia, 1964.
Nafarroako Unibertsitatean ikasi zuen Informazio Zientziak. 80.garren hamarkadatik hona Euskadi Irratian dihardu lanean; Goizean Behin programako aurkezle eta zuzendari izan da, batez ere. Programa honek Rikardo Arregi kazetaritza saria irabazi zuen 2000. urtean. Egun irrati bereko Arratsaldekoa saioan egiten du lan.
Honez gain, El Diario Vasco egunkariko zutabegile gisa aritu da.
1992. urtean Ezer baino lehen ipuin liburua argitaratu zuen eta urte berean, Euskadi Irratiak Maite, maite, maita irrati-nobela igorri zuen. 1995ean ipuin-bilduma bat kaleratu zuen: Lehenago zen berandu izenburuarekin. Gizakien arteko hartu-emanak jorratu izan ditu, batez ere, bere argitalpenetan, ahozko tradizioari jarraiki. 1999an, Ai, ama! entseguarekin, amatasunaren gaineko burutapenak islatzen zituen.
Iturberen libururik ezagunena Ai ama! da, (Alberdania, 1999). Hika antzerki taldeak oholtzara eraman zuen.